GAU-ს 10 წარჩინებული სტუდენტი პრაქტიკულ სასწავლო კურსს თბილისის მერიაში ყოველწლიურად გაივლის. შესაბამისი შეთანხმება გათვალისწინებულია ქალაქის მუნიციპალიტეტისა და ქართულ-ამერიკულ უნივერსიტეტს შორის 28 აპრილს გაფორმებული ურთიერთანამშრომლობის მემორანდუმით.

დოკუმენტის მიხედვით GAU-ს ბაზაზე ადგილობრივი თვითმმართველობის მოხელეების მიერ სამეცნიერო-პრაქტიკული ნაშრომების შექმნა.

GAU-ს სტუდენტების მიერ მუნიციპალურ კულტურულ-საგანმანათლებლო პროგრამებში ჩართვა იგეგმება.

GAU-ს სტუდენტები ყოველწლიურად შეძლებენ მიღებული ცოდნის პრაქტიკაში გამოყენებას და ახალი გამოცდილების მიღებას, დედაქალაქის მერია კი მაღალი დონის თანამედროვე განათლების მქონე კადრების მიზიდვას.

მემორანდუმს ხელი თბილისის მერმა დავით ნარმანიამ და ქართულ-ამერიკული უნივერსიტეტის პრეზიდენტმა რ. მაიკლ ქაუგილმა მოაწერეს.

ურთიერთანამშრომლობის დოკუმენტის გაფორმების შემდეგ დავით ნარმანიამ GAU-ს სტუდენტებისთვის წაიკითხა საჯარო ლექცია თემაზე "ქალაქის სერვისები და ბიზნესი". მოხსენების შემდეგ ტრადიციულად გაიმართა დისკუსია, სადაც ყველა მსურველს ჰქონდა კითხვების დასმის საშუალება.