15 ივნისს (2024) GAU-ში ადამიანური რესურსების მართვის სასერტიფიკატო კურსის მე-15 ნაკადის დაჯილდოება გაიმართა.

ღონისძიებას  უწყვეტი განათლებისა და სერტიფიცირების ცენტრის ხელმძღვანელი, თამთა ნიშნიანიძე და კურსის ლექტორები უძღვებოდნენ.

სერტიფიკატების მიღებამდე 4 ჯგუფად დაყოფილმა სტუდენტებმა ფინალური პროექტები პრეზენტაციის სახით წარადგინეს.

კურსის პროგრამა მთლიანად დამყარებული იყო სწავლების ინტერაქციულ მეთოდზე და სწავლების ისეთ ფორმებს მოიცავდა, როგორიცაა თეორიული პრეზენტაცია, სავარჯიშო, როლური თამაში, სიმულაცია, სასწავლო ქეისი და დისკუსია.

GAU ადამიანური რესურსების მართვის სასერტიფიკატო კურსის კურსდამთავრებულებს წარმატებასა და მიღებული ცოდნის პრაქტიკაში გამოყენებას უსურვებს!