GAU-ს პრეზიდენტი რ. მაიკლ ქაუგილი ლატვიაში საქართველოს პრეზიდენტის დელეგაციასთან ერთად იმყოფება. გიორგი მარგველაშვილი რიგაში ლატვიელ კოლეგას, პრემიერ-მინისტრსა და პარლამენტის სპიკერს შეხვდა. ვიზიტის ფარგლებში გაიმართა ქართველი და ლატვიელი ბიზნესმენების სამუშაო შეხვედრები. დღის ბოლოს კი ქართული დელეგაცია ლატვიის პრეზიდენტმა ანდრის ბერზინშმა ოფიციალურ სადილზე მიიღო.

ეს ვიზიტი წინ უძღვის რიგაში დაგეგმილ აღმოსავლეთ პარტნიორობის სამიტს, რომელიც ერთ თვეში გაიმართება.