დავით ივანიძე

"მე გახლავართ დავით ივანიძე, ქართულ-ამერიკული უნივერსიტეტის 2010 წლის გამოშვების კურსდამთავრებული - ბიზნესის ადმინისტრირების პროგრამის ფინანსების მიმართულებით. ჩემთვის პირადად აღმოჩენა იყო ქართულ-ამერიკული უნივერსიტეტი, პირველივე დღიდან აქტიურად ჩავები სტუდენტურ ცხოვრებაში და საკმაოდ წარმატებული აღმოჩნდა ყველა ჩემი მცდელობა, რომ ვყოფილიყავი წარმატებული.

ჩემი პირველი სამსახური იყო 2008 წელს, სადაზღვევო კომპანია ალდაგში, რეპოტინგის  განყოფილებაში, სადაც იმ დროისთვის GAU-ში მიღებული ცოდნა საკმაოდ გამომადგა. ყოველთვის ვცდილობდი, რაც შეიძლებოდა მეტი პროფესიას დავუფლებოდი და 2012 წელს გადავწყიტე, შემეცვალა პროფილი და დავიწყე მუშაობა აუდიტორულ კომპანიაში, სადაც ვატარებდით საგადასახადო აუდიტს. 2014 წელს კი გადავწყვიტე სახელმწიფოს მხრიდან შემეხედა გადასახადებისთვის და შემოსავლების სამსახურში, საგადასახადო შემოწმების აუდიტორად დავიწყე მუშაობა.

2017 წელს, თურქეთში, ქ. ანკარაში არსებულ OECD Multilateral Tax Center- ში მიწვეული ვიყავი როგორც სატრანსფერო ფასწარმოქმნის ექსპერტი. დღეს გახლავართ, საერთაშორისო კონტროლირებული ოპერაციების საკითხთა შეფასების (ტრანსფერფრაიზინგის) სამმართველოს შემოწმების ჯგუფის უფროსი. დღეს თამამად შემიძლია ვთქვა, რომ მე მივიღე ის ცოდნა, რაც არის ჩემი წარმატების გარანტი.

ასე, რომ აბიტურიენტებს, რომლებსაც ბიზნესის ადმინისტრირებაში ძლიერი სპეციალისტობა და მრავალმხრივ განვითარება სურთ, ვურჩევ, რომ განათლებას და ზოგადად სტუდენტურ ცხოვრებას საფუძველი ჩაუყარონ ისეთ უნივერსიტეტში, როგორიც ქართულ-ამერიკული უნივერსიტეტია."