AD-SCHOOL GAU-სთვის!

ლიკა მოშიაშვილი ბიზნესისა და ტექნოლოგიების უნივერსიტეტის (BTU) ასოცირებული პროფესორია. კითხულობს ლექციებს ილიას სახელმწიფო უნივერსიტეტში, ქართულ-ამერიკულ უნივერსიტეტში (GAU), საქართველოს საზოგადოებრივ საქმეთა ინსტიტუტში (GIPA), ალტერბრიჯში (PR აკადემია), ჯეოლაბში, უნილაბში და სხვა. ის ატარებს ტრენინგებს კერძო კომპანიებისთვის, არასამთავრობო ორგანიზაციებისა და სახელმწიფო სტრუქტურების წარმომადგენლებისთვის. კონსულტაციას უწევს სხვადასხვა კერძო კომპანიას ტრანსფორმაციის პროცესში და ახალი ტექნოლოგიების დანერგვაში. ლიკა მოშიაშვილს აქვს 10-წლიანი გამოცდილება კომუნიკაციების მიმართულებით. იყო მარკეტინგის პროექტების მენეჯერი სადაზღვევო კომპანია ალდაგში, მარკეტინგისა და კომუნიკაციების ხელმძღვანელი ტექნოლოგიის ლაბორატორიებში ჯეოლაბსა და უნილაბში. ის არის ინოვაციების ხელშემწყობი ფონდისა და Travel Guide-ს თანადამფუძნებელი. შექმნილი აქვს მრავალი ბრენდის სტრატეგია და საკომუნიკაციო კამპანია.

გიორგი კალანდია არის მეამას ციფრული მარკეტინგის გუნდის ხელმძღვანელი. ასევე, მუშაობს კომპანია Unix Development-ში. მას აქვს 8 წელზე მეტი გამოცდილება ციფრულ მარკეტინგში. უმუშავია ისეთ კომპანიებში, როგორებიცაა ნორდიკი, მოლფედი, მაიჰაბი, ბეთლაივ კლუბი, Touch Digital Summit, On.ge, ბარამი, ჰუალინგი და ოკტოპუს ფიტნესი.

დაჩი გორგილაძე არის PSPO II სერტიფიცირებული Product Owner და გუგლის სერტიფიცირებული ციფრული მარკეტერი. 2020 წლიდან დღემდე ის დასაქმებულია საქართველოს ბანკში და არის ვებგვერდების bog.ge-ის, solo.ge-ის, bog.design-ისა და wm.ge-ს Digital Product Owner-ი. 2018-2020 წლებში ის იგივე პოზიციაზე მუშაობდა ელექტრონული კომერციის პლატფორმა ვენდუზე. სხვადასხვა დროს იყო პროექტების მენეჯერი ისეთ კომპანიებში, როგორებიცაა საქართველოში პირველი აუთსორსინგული ქოლ ცენტრი Kcall, მარკეტინგული კომპანია Sales Partner Group და მიკროსაფინანსო United Capital. ასევე, მუშაობდა პროდუქტ მენეჯერად ელექტრონული კომერციის პლატფორმა Shopnow.ge-ზე.

ირაკლი კვეკვეცია 2020 წლიდან დღემდე კომპანია ედმიქსერის ბიზნესის განვითარების მენეჯერია. მას აქვს 7 წელზე მეტი გამოცდილება ციფრული მარკეტინგის სფეროში. მუშაობდა ისეთ კომპანიებში, როგორებიცაა PSP, Zoomer, ვენდუ, GM Pharma. ასევე, იყო ათეულობით მცირე და საშუალო ბიზნესის ციფრული კონსულტანტი.

ლუკა ნემსაძე 2020 წლიდან დღემდე მუშაობს კომპანია ედმიქსერში და არის SSP/DSP სპეციალისტი და GMP კოორდინატორი. 2019-2020 წლებში ის მედია და ციფრული კომუნიკაციების სააგენტო კლიპარტში იკავებდა ციფრული პროდუქტების მენეჯერისა და კომუნიკაციის მენეჯერის პოზიციებს.

გური ხახიაური 2020 წლიდან დღემდე კომპანია ედმიქსერის DSP & GMP სპეციალისტი და მედია და ციფრული კომუნიკაციების სააგენტო კლიპარტის ციფრული მარკეტინგის მენეჯერია. 2019-2020 წლებში ის დასაქმებული იყო ელექტრონული კომერციის პლატფორმა ვენდუზე.