Anti-Money Laundering (AML) - ფულის გათეთრების აღკვეთის ღონისძიებების შემსწავლელი სასერტიფიკატო კურსი

ქართულ-ამერიკული უნივერსიტეტი GAU და საკონსულტაციო კომპანია Context Consulting  გთავაზობთ ერთობლივ პროექტს Anti Money Laundering (AML) – ფულის გათეთრების აღკვეთის ღონისძიებების შემსწავლელ სასერტიფიკატო კურსს

კურსი შემუშავებულია „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“  საქართველოს კანონით  გათვალისწინებული მოთხოვნების შესაბამისად და მისი მიზანია ფინანსური და არაფინანსური ინსტიტუტებისათვის (ბაკები, მიკროსაფინანსო და სადაზღვევო ორგანიზაციები, მიწის და ონლაინ კაზინოები, ვალუტის გადამცვლელი პუნქტები,  საგადახდო მომსახურების პროვაიდერები, ვალუტის გადამცვლელი პუნქტები და სხვ.) კონკურენტუნარიანი AML  სპეციალისტების,  მენეჯერებისა და ოფიცრების მომზადება.

პროგრამის მოკლე აღწერა:

• ისტორიული რაკურსი; ფულის გათეთრების გავრცელების  ხერხები და მექანიზმები;
• საერთაშორისო ორგანიზაციები, მათი მისია და საქმიანობა; საკანონმდებლო ბაზები და რეგულაციები;
• ბენეფიციარი მესაკუთრე და მასთან დაკავშირებული საკითხები; კლიენტის იდენტიფიკაცია/ვერიფიკაცია; საჭირო დოკუმენტაცია; პროცედურები;
• ფიზიკური და იურიდიული პირები; (მათთან დაკავშირებული იურიდიული საკითხები; რეზიდენტი/არარეზიდენტი)
• გარიგების რაობა; გარიგების სახეები; (ერთჯერადი, მრავალჯერადი, საეჭვო, ზღვარს ზემოთ, დანაწევრებული და სხვ.)
• რისკი და რისკზე დამყარებული მიდგომა და პროპორციული ზომები;  რისკზე დამყარებული მატრიცები; „იცნობდე შენს კლიენტს“ (KYC- know your client), თვითდეკლარაციის ფორმები;
• “ტერორისტთა და ტერორიზმის ხელშემწყობ პირთა სიის შესახებ”
• PEP - პოლიტიკურად აქტიური პირები;
• ინფორმაციის მოპოვება და დამუშავება (ინტერნეტრესურსები, სხვა სანდო წყაროები); კონფიდენციალურობა;
• ანგარიშგების ფორმები; მონიტორინგის სამსახური;
• საქმისწარმოება; დოკუმენტების შენახვისა და დაარქივების წესები (ელექტრონული აღრიცხვა);
• AML სპეციალისტის, ოფიცრის, მენეჯერის, ფუნქციები.
• საერთაშორისო სანქციები და მათი მნიშვნელობა. ორგანიზაციები, რომლებიც აწესებენ სანქციებს. სანქციები კონკრეტულ ქვეყნებათან მიმართებაში. ტიპოლოგიები, პრაქტიკული სავარჯიშოები;
• ტრანზაქციების მონიტორინგი, ე.წ. "წითელი ალმები", საეჭვო ტრანზაქციების გამოვლენა, სცენარები, მაგალითები.

სწავლების მეთოდი:

პროგრამა მთლიანად დამყარებულია სწავლების ინტერაქციულ მეთოდზე და მოიცავს სწავლების ისეთ ფორმებს, როგორიცაა თეორიული მომზადება, პრაქტიკული სავარჯიშოები, სიმულაცია, ანგარიშგების ორგანიზაციული მართვა, დისკუსია და სხვ.

 ვისთვისაა განკუთვნილი: 

პროგრამა განკუთვნილია მათთვის, ვისაც სურს დასაქმდეს ან აიმაღლოს კვალიფიკაცია AML სპეციალისტის, ოფიცრის თუ მენეჯერის პოზიციაზე იმ ფინანსურ და არაფინანსურ სექტორში, რომლებზეც ვრცელდება საქართველოს კანონი: „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ .

შემოთავაზებული კურსი გამიზნულია, აგრეთვე, "ბუღალტრული აღრიცხვის, ანგარშგებისა და აუდიტის ზედამხედველობის სამსახურის" მიერ განსაზღვრული მომსახურების გამწევი ბუღალტრებისათვის. ჩვენი უნივერსიტეტის პარტნიორი საკონსულტაციო კომპანია “Context Consulting" -ი (402187307) აღნიშნულ სამსახურში რეგისტრირებულია, როგორც “ფულის გათეთრებისა და ტერორიზმის დაფინანსების აღკვეთის ხელშეწყობის მიმართულებით განგრძობითი განათლების მიმწოდებელი"

კურსის ბოლოს ჩატარდება ტესტირება, რომლის საფუძველზეც თქვენ მიიღებთ საკონსულტაციო კომპანია Context Consulting-ისა და  ქართულ-ამერიკული უნივერსიტეტის GAU-ს კვალიფიკაციის დამადასტურებელ ერთობლივ სერტიფიკატს, რაც უდაოდ დაგეხმარებათ თქვენს მომავალ პროფესიულ საქმიანობაში.

პროგრამის ხანგრძლივობა:

•  10 შეხვედრა; 5 კვირა.  სალექციო დღეები: ორშაბათი - ხუთშაბათი, 19:00-დან 22:00 საათამდე

რეგისტრაცია:
პროგრამის გასავლელად საჭიროა შეავსოთ სარეგისტრაციო ფორმა ან მობრძანდეთ ქართულ-ამერიკულ უნივერსიტეტში (GAU) (თბილისი, მერაბ ალექსიძის 10).
ჯგუფში ადგილები შეზღუდულია.შესაბამისად, უპირატესობა მიენიჭებათ იმ აპლიკანტებს, რომლებიც პირველები შემოიტანენ განაცხადს.

კურსი დაიწყება 2024 წლის 2 დეკემბერს!