სტრატეგიული ბრენდინგისა და ტურიზმის მარკეტინგის სასერტიფიკატო პროგრამა

სტრატეგიული ბრენდინგისა და ტურიზმის მარკეტინგის პროგრამის მიზანია მსმენელს შეასწავლოს სტრატეგიული ბრენდინგისა და მარკეტინგული კომუნიკაციების ძირითადი პრინციპები, რათა მან შეძლოს ბრენდის პლატფორმისა და მარკეტინგული სტრატეგიის ფორმირება.  კურსის განმავლობაში მსმენელები გაეცნობიან  როგორ იქმნება ბრენდის იდენტობა და ხედვა, დეტალურად შეისწავლიან რა ნაბიჯები უნდა გადადგან  მის ასაშენებლად, როგორ უნდა შეურჩიონ ბრენდს მთავარი საკომუნიკაციო გზავნილები, როგორ დაარქვან სახელი და რა დეტალები გაითვალისწინონ ბრენდის დიზაინის შექმნისას. ასვეე  როგორ შექმნან განსხვავებული პროდუქტი ან სერვისი ტურიზმში, რომელსაც ექნება უნიკალური მახასიათებლები და რა ძირითადი მარკეტინგული პრინციპები გამოიყენონ მისი პროდუქტისა ან სერვისის ეფექტურად წარმოსაჩენად.

პროგრამის შექმნაზე იმუშავეს სექტორის  როგორც ადგილობრივმა, ისე  ესპანელმა ექპერტებმა ესპანეთის ალკალას უნივერსიტეტიდან, რამაც განაპირობა პროგრამის როგორც ქართულ, ისე საერთაშორისო სტანდარტებთან შესაბამისობა. 

პროგრამის სტრუქტურა:

• პროგრამის ხანგრძლივობა - 4 თვე (16 კვირა)
• პროგრამა მოიცავს  ლექციებს და პრაქტიკებს პარტნიორ ორგანიზაციებთან
• ლექციები ჩატარდება კვირაში 2-ჯერ
• ლექციის ხანგრძლივობა - 2.5 საათი (საღამოს, 7 საათის შემდგომ)

რეგისტრაცია:

• პროგრამის გასავლელად საჭიროა შეავსოთ სააპლიკაციო ფორმა

დაშვების წინაპირობა:

• სასკოლო ატესტატი

კურსის თეორიული მასალა მოიცავს:

• სტრატეგიული ბრენდინგი
• ბრენდის როლი ბიზნესში
• ბრენდის ემოცია
• ადგილის ბრენდინგი
• ბრენდის დიზაინი
• მარკეტინგი ტურიზმში
• სტრატეგიის ფორმირება
• მარკეტინგული კამპანიები
• სტრატეგიული აუდიტორიის განსაზღვრა
• პროდუქტის შექმნა
• ციფრული მარკეტინგი
• კულტურული ტურიზმი
• გაყიდვები ტურიზმში
• სტრატეგიის შექმნა
• პროდუქტი და მომსახურების სერვისი
• გაყიდვების ზრდა
• გაყიდვები სასტუმროს სფეროში
• გაყიდვები და ნეთვორქინგი  ტურიზმში
• BTB მარკეტინგი
• ნეთვორქინგი
• მედია კომუნიკაციები
• საზოგადოებასთან ურთიერთობა

სტრატეგიული ბრენდინგისა და ტურიზმის მარკეტინგის კურსის წარმატებით დასრულების შემდეგ:

• კურსდამთავრებული აცნობიერებს ტურიზმის სექტორში კომუნიკაციების მნიშვნელობას და სწორი სტრატეგიული კომუნიკაციის გავლენას დარგის წარმატებაზე. ეს მოიცავს ბრენდინგის, კომუნიკაციის სტრატეგიის შექმნისა და კულტურის როლის გააზრებას.
• კურსდამთავრებულს შეუძლია ტურიზმის ბრენდინგის, ბრენდის პლატფორმის ფორმირება და კომუნიკაციის სტრატეგიის შექმნა. ეს მოიცავს პროდუქტის, სერვისის ან ადგილის ბრენდინგს, რაც ხელს უწყობს მათი უნიკალური მახასიათებლების წარმოჩენას.
• კურსდამთავრებულმა იცის როგორ იქმნება მარკეტინგული კონცეფციები ტურიზმში, სწორად აფასებს მარკეტინგის გარემოს და განსაზღვრავს სტრატეგიულ აუდიტორიას ბაზრის სეგმენტაციის გზით. ასევე იცნობს მომხმარებელთა ტიპოლოგიას და მიზნობრივი ბაზრის შერჩევის მეთოდებს.
• კურსდამთავრებულს შეუძლია მარკეტინგული საქმიანობის მართვა, დაგეგმვა და ეფექტური როგორც სასტუმროსთვის ისე ტურისტული სააგენტოებისთვის.
• კურსდამთავრებული ანალიზებს პროდუქტისა თუ სერვისის კონკურენტულ უპირატესობებს მათი მნიშვნელობის გასაგებად და ქმნის კონკურენტუნარიან პროდუქტებსა თუ კომუნიკაციებს ამ უპირატესობების გამოყენებით.

პროგრამა განხორციელდება ქართულ-ამერიკული უნივერსიტეტში (მის.:  მერაბ ალექსიძის ქ. 10, თბილისი

კურსის სრულად  გავლის შემთხვევაში, მსმენელი მიიღებს ქართულ-ამერიკული უნივერსიტეტისა და ესპანეთის ალკალას უნივერსიტეტის  მიერ დამოწმებულ სერტიფიკატს, წარმატებული კურსდამთავრებულებს კი ექნებათ პარტნიორ ორგანიზაციებში დასაქმების შესაძლებლობა. 

კურსი დაიწყება 2024 წლის ნოემბერში!

* სტრატეგიული ბრენდინგისა და ტურიზმის მარკეტინგის პროგრამა შეიქმნა USAID-ის პროგრამის “დამსაქმებლები პროფესიული განათლებისთვის” მხარდაჭერით.