ადამიანური რესურსების (HR) მართვის სასერტიფიკატო კურსი

ქართულ-ამერიკული უნივერსიტეტი და პარტნიორები-საქართველო გთავაზობთ ერთობლივ პროექტს - ადამიანური რესურსების (HR) მართვის სასერტიფიკატო კურსს!

საშუალო და მაღალი რგოლის მენეჯერებს, ადამიანური რესურსების მართვის სპეციალისტებს, სტუდენტებს და სხვა დაინტერესებულ პირებს გეძლევათ უნიკალური შესაძლებლობა სამსახურისგან და სწავლისგან მოუწყვეტლად:

• გაიღრმავოთ ცოდნა ადამიანური რესურსების მართვის სფეროში
• შეიძინოთ და გაიუმჯობესოთ პერსონალის ეფექტურად მართვისათვის აუცილებელი უნარ-ჩვევები
• გაეცნოთ პერსონალის შერჩევის, მოტივირების, შეფასების და მართვის თანამედროვე მეთოდებს და ინსტრუმენტებს
• გაიზიაროთ კოლეგების გამოცდილება
• მიიღოთ პასუხები თქვენს შეკითხვებზე დარგის წარმატებული მენეჯერებისგან
• აიმაღლოთ კვალიფიკაცია პრაქტიკოსებისა და პროფესიონალი ტრენერ-კონსულტანტების დახმარებით

თქვენთან ორი თვის განმავლობაში თემების მიხედვით იმუშავებენ პროფესიონალი ტრენერ-კონსულტანტები და ადამიანის რესურსების მართვის მენეჯერები:

• მართვის უნარები HR მენეჯერისათვის - თეა ბულია, “პარტნიორები-საქართველოს” ტრენერ-კონსულტანტი, ორგანიზაციული განვითარებისა და სპეციფიური ჯგუფებებთნ ტრენინგული მუშაობის 15-წლიანი გამოცდილება.
• საკადრო პოლიტიკა და ადმინისტრაციული პროცედურები - მარიამ მეტივიშვილი, HR-ში მუშაობის 12 წლიანი გამოცდილება, როგორც სახელმწიფო, ასევე კერძო სექტორში. სხვადასხვა დროს მენეჯერულ პოზიციაზე მუშაობდა ტელეკომპანიაში “პირველი არხი”, იუსტიციის სამინისტროში, სამედიცინო კორპორაცია ევექსში, ლოპოტა სპა რეზორტში.
• პერსონალის მოტივირება - მილენა მითაგვარია, “პარტნიორები-საქართველოს” დამფუძნებელი პარტნიორი, კონსულტირებისა და პროგრამების მართვის 20-წლიანი გამოცდილება.
• თანამშრომელთა შერჩევა - ლელა გიორგობიანი, “პარტნიორები-საქართველოს”ტრენერ-კონსულტანტი და დამფუზნებელი პარტნიორი, ESM-თბილისის ბიჰევიორისტიკის პროგრამის ხელმძღვანელი, მაგისტრის ხარისხი ადამიანური რესურსების მართვაში.
• პერსონალის შეფასება - მარინა იმერლიშვილი, გამოყენებითი კვლევების კომპანია აი-არ-სი-ს დირექტორი, ორგანიზაციული განვიტარებისა და ეიჩარ კონსალტინგის 18 წლიანი გამოცდილება
• HR მენეჯერის გავლენა კომპანიის მოგებაზე, ორგანიზაციული კულტურა და პერსონალის დაწინაურება - ნინო ბართაია, HR მართვის 10 წლიანი გამოცდილება, „აჭარა ჯგუფის“ (ჰოლიდეი ინი თბილისი, რუმსი ყაზბეგი, რუმსი თბილისი) HR მენეჯერი, ტურიზმის განვითარების პროექტების კონსულტანტი
• მრავალფეროვნების მართვა - ნათია გოფოძე, „პარტნიორები საქართველოს“დირექტორი, ტრენერ-კონსულტანტი; განათლებით ფსიქოლოგი, ორგანიზაციული მართვის და განვითარების სფეროში მუშაობის 15 წლიანი გამოცდილებით.
• ნლპ (ნეიროლინგვისტური პროგრამირების) მეტაპროგრამები კადრების მენეჯერებისთვის - ეკა ჯაველიძე, კრეატიული განათლების ცენტრის ტრენერ-კონსულტანტი, თბილისის საქალაქო სასამართლოს მედიატორი.

კურსის პროგრამა მთლიანად დამყარებულია სწავლების ინტერაქციულ მეთოდზე და მოიცავს სწავლების ისეთ ფორმებს, როგორიცაა თეორიული პრეზენტაცია, სავარჯიშო, როლური თამაში, სიმულაცია, სასწავლო ქეისი და დისკუსია.

კურსის გავლის შედეგად თქვენ მიიღებთ ლიდერი ტრენინგ-კომპანიისა და წარმატებული ქართულ-ამერიკული უნივერსიტეტის ერთობლივ სერტიფიკატს, რომელიც მნიშვნელოვანი შენაძენი გახდება თქვენი პროფესიული ბიოგრაფიისათვის.

პროგრამის ხანგრძლივობა:

• მეცადინეობები ჩატარდება ორშაბათს, ოთხშაბათს და პარასკევს, 19.00-22.00 საათი

კურსის ღირებულება შეადგენს 1300 ლარს. 

ერთი ორგანიზაციიდან ორი ან მეტი აპლიკანტის შემთხვევაში, აგრეთვე, სტუდენტებისათვის მოქმედებს 10%-იანი ფასდაკლება. ასევე, სწავლის საფასურის გადახდა შესაძლებელია განვადებით. 20%-იანი ფასდაკლებ ეკუთვნის GAU-ს აქტიურ სტუდენტს, კურსდამთავრებულს და ნებისმიერ ადამიანს, ვისაც GAU-ს ერთი სასერტიფიკატო კურსი უკვე გავლილი აქვს.

რეგისტრაცია:
პროგრამის გასავლელად საჭიროა შეავსოთ სარეგისტრაციო ფორმა ან მობრძანდეთ ქართულ-ამერიკულ უნივერსიტეტში (GAU) (თბილისი, მერაბ ალექსიძის 10).

ჯგუფში ადგილები შეზღუდულია.შესაბამისად, უპირატესობა მიენიჭებათ იმ აპლიკანტებს, რომლებიც პირველები შემოიტანენ განაცხადს.

კურსი დაიწყება 2024 წლის 8 აპრილს!