ქართულ-ამერიკულმა უნივერსიტეტმა, საქართველოს მეცნიერებისა და ტექნოლოგიის ასოციაციის მხარდაჭერით, 26-31 ოქტომბერს უმასპინძლა საერთაშორისო მულტიდისციპლინარულ კონფერენციას, თემაზე: 

,,მულტიდისციპლინარული სამეცნიერო კვლევების გლობალური პრაქტიკა"

ღონისძიებამ სხვადასხვა ქვეყნისა და აკადემიური დარგის წამყვანი მეცნიერები და მკვლევარები ინტერდისციპლინარული დიალოგის, სამეცნიერო ცოდნის, გამოცდილებისა და ინოვაციური იდეების გაზიარების მიზნით გააერთიანა.

კონფერენციის ფარგლებში, სასემინარო სამუშაოების პარალელურად, ორი სტრატეგიული მნიშვნელობის ურთიერთთანამშრომლობის მემორანდუმი გაფორმდა - Adana Alparslan Türkeş Science and Technology University-სა და IKSAD Institute-სთან, რაც GAU-ს აკადემიურ საზოგადოებას ახალ საერთაშორისო პერსპექტივებსა და კვლევით შესაძლებლობებს შეუქმნის.

კონფერენცია დასრულდა ოფიციალური დახურვითი ცერემონიით, წარმოდგენილი საკვლევი რეფერატების შეჯამებითა და მონაწილე მეცნიერებისთვის სერტიფიკატების გადაცემის ცერემონიით.