Junior Business Competition (JBC)
ორშაბათი, 09 დეკემბერი, 2019
იწყება რეგისტრაცია GAU-ს ახალ შეჯიბრზე - Junior Business Competition (JBC)!
JBC ფინანსური თემატიკის შეჯიბრია, რომელიც ჩვენთან, გაუში შეიქმნა და პირველად ჩვენი მეგობარი სკოლის მოსწავლეებში ჩატარდა, დიდი წარმატებით!
ამჯერად, შეჯიბრი იმართება GAU-ს სტუდენტებისთვის, ნებისმიერი ფაკულტეტიდან - რაც იმას ნიშნავს, რომ თამაშში მონაწილეობისთვის არ არის საჭირო სპეციფიკური ფინანსური განათლების ქონა.
კონკურსის ფარგლებში გაეცნობით აქციებით ვაჭრობის სპეციფიკას, შეისწავლით ფინანსების, პირადი კაპიტალის მართვის კონცეფციებს და გაიუმჯობესებეთ გუნდური მუშაობის უნარ-ჩვევებს.
თამაში ორი ეტაპისგან შედგება:
- ელექტრონული ვაჭრობა (E-trading) - გუნდებს დაურიგდებათ ელექტრონული ვაჭრობის სისტემის იუზერები/პასვორდები, სადაც ისინი ერთი კვირის განმავლობაში შეეცდებიან მაქსიმალურად მომგებიანი სვლები გააკეთონ აქციებით ვაჭრობისას და დააგროვონ რაც შეიძლება მეტი ფული
- ფულის მოძრაობა (CASH FLOW) - რობერტ კიოსაკის სამაგიდო თამაში, რომელიც ინვესტიციების განხორციელებას და კაპიტალის მართვას ეხება
გამარჯვებული გამოვლინდება ორივე ეტაპში დაგროვებული ქულების შეჯამებით და დაჯილდოვდება თასით და სხვა საჩუქრებით!
რეგისტრაციისთვის საჭიროა გუნდის შექმნა (მინ 3, მაქს 5 ადამიანი), გუნდისთვის სახელის დარქმევა და კაპიტანის შერჩევა.
გადადით ბმულზე და შეავსეთ აპლიკაცია კვირას (14 დეკემბერი) დღის 12 საათამდე! - bit.ly/GAUJBCstudents
თამაშის წესების გაცნობა და ინსტრუქტაჟი ჩატარდება შაბათს, 14 დეკემბერს, ფინალი კი გაიმართება 21 დეკემბერს!
