ქართულ-ამერიკული უნივერსიტეტი აცხადებს კონკურსს ევროკომისიის მიერ დაფინანსებულ ერაზმუს+ პროგრამაზე, მიკოლას რომერის უნივერსიტეტში, ლიეტუვა! 

პროგრამის ფარგლებში გამარჯვებული კანდიდატი შეძლებს დაფინანსების მოპოვებას მიმღებ უნივერსიტეტში და ერთი სემესტრის განმავლობაში სწავლას ლიეტუვაში (2024-2025 აკადემიური წლის შემოდგომის სემესტრი).

კონკურსში მონაწილეობის პირობები:

• კონკურსში მონაწილეობის მიღება შეუძლიათ ბიზნესისა და სამართლის სკოლების საბაკალავრო პროგრამის მეორე, მესამე, მეოთხე, მეხუთე და მეექვსე სემესტრის სტუდენტებს, და ამავე ფაკულტეტების სამაგისტრო პროგრამის მეორე და მესამე სემესტრის სტუდენტებს.
• აუცილებელი წინაპირობაა ინგლისური ენის B2 დონეზე ცოდნა, რაც შემოწმდება გასაუბრების შედეგად;
• აუცილებელია იყოთ ჩამოთვლილი ქვეყნებიდან რომელიმეს მოქალაქე: საქართველო, აზერბაიჯანი, სომხეთი, ავსტრალია, ბანგლადეში, ბრუნეი, კამბოჯა, კანადა, ჩინეთი, ინდოეთი, ინდონეზია, ისრაელი, იაპონია, ყაზახეთი, ლაოსი, მალაიზია, მოლდოვა, მონღოლეთი, მიანმარი, ახალი ზელანდია, პაკისტანი, ფილიპინები, სამხრეთ აფრიკის რესპუბლიკა, სინგაპორი, სამხრეთ კორეა, ტაილანდი, უკრაინა, არაბთა გაერთიანებული საამიროები, აშშ ან ვიეტმანი
• „უმაღლესი განათლების შესახებ საქართველოს კანონში” ცვლილების შეტანის თაობაზე საქართველოს კანონის 492 მუხლის მე-4 პუნქტის თანახმად დაუშვებელია გაცვლით საგანმანათლებლო პროგრამის მონაწილე სტუდენტისათვის სტუდენტის სტატუსის შეჩერება. მობილობის პროგრამაში მონაწილე სტუდენტი მშობლიურ უნივერსიტეტში ირიცხება, როგორც აქტიური სტუდენტი და შესაბამისად, სტუდენტმა ყველა სემესტრში უნდა გაიაროს ადმინისტრაციული რეგისტრაცია და გადაიხადოს სემესტრის საფასური ქართულ-ამერიკულ უნივერსიტეტში

დაფინანსება მოიცავს მოიცავს:

• უფასო სწავლა;
• 550 ევრო ყოველთვიურად დაბინავებისა და კვების ხარჯების ასანაზღაურებლად;
• შერჩეულმა სტიპენდიანტებმა თავად უნდა აანაზღაურონ შემდეგი ხარჯები: ავიაბილეთების საფასური, სავიზო მოსაკრებლის და სხვა მოსალოდნელი ხარჯები ლიეტუვაში ცხოვრებისას (მაგ.: ბიბლიოთეკის საწევრო, სტუდენტური კავშირები და ა.შ)

სააპლიკაციო დოკუმენტაციის ჩამონათვალი სტუდენტებისთვის:

• ბიომეტრიული პასპორტის ასლი;
• CV-ს ევროპული ფორმატი (ინგლისურ ენაზე, არაუმეტეს ორი გვერდისა);
• ცნობა სტუდენტის სტატუსის შესახებ (ოფიციალური დოკუმენტი ინგლისურ ენაზე);
• უნივერსიტეტის ნიშნების ამონაწერი (ოფიციალური დოკუმენტი ინგლისურ ენაზე);
• ინგლისური ენის სერტიფიკატი (საერთაშორისო სერტიფიკატი, ან GAU-ში გავლილი საგნის - ინგლისური ენის მინიმუმ B2 დონის ცოდნის დამადასტურებელი სერტიფიკატი).
• შევსებული სასწავლო ხელშეკრულება

შესარჩევი პროცესი:

• დოკუმენტაციის შემოწმება (ქართულ-ამერიკული უნივერსიტეტი);
• გასაუბრება შესარჩევ კომისიასთან (ქართულ-ამერიკული უნივერსიტეტი);
• დოკუმენტების განხილვა/სტიპენდიის მინიჭება (მიმღები უნივერსიტეტი).
• ქართულ-ამერიკული უნივერსიტეტის შერჩევის კრიტერიუმები გაცვლით პროგრამაში მონაწილე სტუდენტებისთვის

მობილობის პერიოდი და ხანგრძლივობა:

• 2024-2025 სასწავლო წლის შემოდგომის სემესტრი.

კონკურსში მონაწილეობის მსურველებმა 2024 წლის 15 მარტის, 19:00 საათამდე გამოაგზავნეთ სააპლიკაციო დოკუმენტაცია (ყველა დოკუმენტი გაერთიანებული PDF ფორმატში) შემდეგ ელექტრონულ მისამართზე: exchange@gau.edu.ge.

გთხოვთ, მეილის სათაურად მიუთითოთ: Mykolas Romeris University

დამატებითი კითხვების არსებობის შემთხვევაში დაგვიკავშირდით შემდეგი ელ-ფოსტის საშუალებით: ana.zanqaidze@gau.edu.ge