აიბი მთიები ქართულ-ამერიკული უნივერსიტეტის (GAU) პარტნიორი სკოლაა. პარტნიორობის ფარგლებში ხდება GAU-ს რესურსების გაზიარება როგორც აიბი მთიების სკოლის მოსწავლეებისთვის, ასევე ადმინისტრაციული და აკადემიური პერსონალისთვის.

სკოლის ახალი ბიბლიოთეკის მოწყობისა და პროგრამული უზრუნველყოფის ნაწილში აიბი მთიების წარმომადგენელს კონლუსტაცია გაუწია GAU-ს ბიბლიოთეკის ხელმძღვანელმა, ნატალია ასანიშვილმა.

ბიბლიოთეკის გახსნის ცერემონიას დაესწრო GAU-ს წარმომადგენელი, ვიცე-პრეზიდენტის მრჩეველი სალომე ღუდუშაური. მან ბიბლიოთეკას GAU-სგან საჩუქრად გადასცა ანთოლოგია, "ქართული ანბანი - 33 ემოცია", რომელმაც უკვე დაიმკვიდრა თავისი ადგილი “ლიბრარიუმის” თაროზე.