ქართულ-ამერიკულ უნივერსიტეტში ,,სისხლის გადასხმის საქალაქო სადგურის“ ორგანიზებით სისხლის დონაციის საქველმოქმედო აქცია ჩატარდა.
ღონისძიებაში აქტიურად ჩაერთვნენ როგორც სტუდენტები, ისე უნივერსიტეტის ადმინისტრაციული და აკადემიური პერსონალი.
აქციის მიზანი იყო თანამოქალაქეების მხარდაჭერა და სიცოცხლის გადარჩენაში საკუთარი წვლილის შეტანა.
GAU-ში მსგავსი ინიციატივები ტრადიციად იქცა და კიდევ ერთხელ გაუსვა ხაზი სოციალურ პასუხისმგებლობასა და საერთო სიკეთისთვის ერთიანობის მნიშვნელობას.
