სიახლეები და ღონისძიებები

ორენოვანი პრეზენტაციების კონკურსი GAU-ში

ორენოვანი პრეზენტაციების კონკურსი GAU-ში

ხუთშაბათი, 07 ივნისი, 2018

აჩვენე კალენდარზე

2018 წლის 6 და 7 ივნისს ქართულ-ამერიკულ უნივერსიტეტში გაიმართა ორენოვანი პრეზენტაციების კონკურსის ფინალური ეტაპი. კონკურსი ჩატარდა ჰუმანიტარულ მეცნიერებათა და ლიბერალური განათლების სკოლის დეკანის, ქალბატონ რუსუდან ციციშვილის ინიციატივით. კონკურსში მონაწილეობას იღებდნენ სამართლის, სოციალური მეცნიერებებისა და დიპლომატიის; ჰუმანიტარულ მეცნიერებათა და ლიბერალური განათლების; ინფორმატიკისა და ინჟინერიის სკოლის სტუდენტები. 

კონკურსი გამოირჩეოდა წარმოდგენილი თემების მრავალფეროვნებითა და აქტუალურობით. 

ინგლისურენოვანი პრეზენტაციების კონკურსის ჟიურის წევრები გახლდნენ:

  • რუსუდან ციციშვილი, რ. მაიკლ ქაუგილი, ჯორჯ ველტონი და ლადო ტატიშვილი. 

კონკურსის ბოლოს გაიმართა დაჯილდოვების ცერემონიალი. ინგლისურენოვანი პრეზენტაციების კონკურსში:

  •  პირველი ადგილი მოიპოვა თათია კირჩხელმა (ჰუმანიტარულ მეცნიერებათა და ლიბერალური განათლების სკოლა) და ოთო კუპრავამ (ინფორმატიკისა და ინჟინერიის სკოლა), რომელთაც გადაეცათ GAU-ს მიერ დაწესებული სპეციალური პრიზი.
  • მეორე ადგილზე გახლავთ ანა ვოსკანიანი (ჰუმანიტარულ მეცნიერებათა და ლიბერალური განათლების სკოლა)  და გიორგი შამხელაშვილი (სამართლის, სოციალური მეცნიერებებისა და დიპლომატიის სკოლა), რომელთაც ასევე გადაეცათ სპეციალური პრიზები.
  • მესამე ადგილი კი მოიპოვეს ანანო ციცვიძემ (ჰუმანიტარულ მეცნიერებათა და ლიბერალური განათლების სკოლა) და მარიამ კაჭარავამ (ჰუმანიტარულ მეცნიერებათა და ლიბერალური განათლების სკოლა), რომელბიც დააჯილდოვდნენ “Lingwing” - ის ექვსთვიანი სასწავლო ვაუჩერით. 

 ქართულენოვან პრეზენტაციების კონკურსს სწორედ წელს ჩაეყარა საფუძველი, განხვავებით ინგლისურენოვანისა, რომლიც პირველად 2011 წელს ჩატარდა ქართულ-ამერიკულ უნივერსიტეტში. პირველი ქართულენოვანი პრეზენტაციების კონკურსის ჟიური გახლდათ:

  •  რუსუდან ციციშვილი, გიორგი ალიბეგაშვილი, ოთარ ტატიშვილი, ეკატერინე ტოგონიძე, დავით ველიაშვილი და გიორგი ბაქრაძე.

 კონკურსის დასკვნით ეტაპზე, ანალოგიურად, გამოვლინდნენ გამარჯვებულები. ქართულენოვანი პრეზენტაციების კონკურსის პირველი ადგილი მოიპოვეს გიორგი სვანიძემ (ჰუმანიტარულ მეცნიერებათა და ლიბერალური განათლების სკოლა) და მარიამ მითაიშვილმა (ჰუმანიტარულ მეცნიერებათა და ლიბერალური განათლების სკოლა). მეორე ადგილი მოიპოვეს თეკლა კემულარიამ (ჰუმანიტარულ მეცნიერებათა და ლიბერალური განათლების სკოლა) და სალომე ხმელიძემ (ჰუმანიტარულ მეცნიერებათა და ლიბერალური განათლების სკოლა). ხოლე მესამე ადგილი წილად ხვდათ ნათია ტყემალაძესა (ჰუმანიტარულ მეცნიერებათა და ლიბერალური განათლების სკოლა) და ანი გიორგობიანს (ჰუმანიტარულ მეცნიერებათა და ლიბერალური განათლების სკოლა). 

 საკონკურსო ეტაპის დასრულების შემდეგ, როგორც ინგლისურენოვანი ასევე ქართულენოვანი პრეზენტაციები შეაფასეს მოწვეულმა ჟიურის წევრებმა, მონაწილეებმა მათგან მიიღეს კონსტრუქციული კრიტიკა და რეკომენდაციები, თუ როგორ განავითარონ პრეზენტაციისა და საჯაროდ გამოსვლის უნარები.

 ვულოცავთ თითოეულ მონაწილეს ასეთ წარმატებულ გამოსვლას, გისურვებთ მრავალი საინტერესო გამოცდილების მიღებას თქვენი სტუდენტური ცხოვრების განმავლობაში.  

ქართულ ამერიკული უნივერსიტეტი დიდ მადლობას უხდის სახელმწიფო ენის დეპარტამენტს მხარდაჭერისთვის. ასევე უღრმეს მადლობას ვუხდით კომპანია „Lingwing”-ის დამფუძნებელს, ბატონ დავით ველიაშვლის, რომელმაც უკლებლივ ყველა მონაწილე ქართულენოვანი პრეზენტაციების კონკურსისა და ინგლისურენოვანი კონკურსის მესამე ადგილის მფლობელები დააჯილდოვა „Lingwing”-ის ექვსთვიანი სასწავლო ვაუჩერით.

სისტემაში შესვლა

რეგისტრაცია

გმადლობთ ! თქვენი წერილი წარმატებით გაიგზავნა