ქართულ-ამერიკული უნივერსიტეტი მხარს უჭერს უკრაინელი ხალხის ბრძოლას თავისუფლებისთვის. ჩვენი საგანმანათლებლო ოჯახის თითოეული წევრი განცვიფრებულია სამშობლოსთვის მებრძოლი ხალხის სიმამაცითა და ბრძოლისუნარიანობით. შესაბამისად, მივიჩნევთ, რომ არსებულ მოცემულობაში, ჩვენი ვალია დავიცვათ განათლების უწყვეტობის პრინციპი და ამგვარად, გადავდგათ ქმედითი ნაბიჯი უკრაინელი სტუდენტების დასახმარებლად. 

ყველასთვის ცნობილია, რომ საომარ პირობებში უკრაინის უნივერსიტეტების უმრავლესობა შეფერხებით განაგრძობს საგანმანათლებლო საქმიანობას, ნაწილმა კი ამ ეტაპისთვისსრულად შეეაჩერა ოპერირება. 

ქართულ-ამერიკული უნივერსიტეტის კარი ღიაა უკრაინის მოქალაქეობის მქონე სტუდენტებისთვის, რომლებიც ირიცხებიან უკრაინაში აკრედიტირებულ უნივერსიტეტებში. ჩვენს საერთაშორისო პროგრამებზე ისინი ერთი წლის განმავლობაში სრული დაფინანსებით შეძლებენ სწავლას.

ასევე, საერთაშორისო სტუდენტებისთვის, რომლებიც სწავლობენ უკრაინაში არსებულ უნივერსიტეტებში, GAU უზრუნველყოფს სპეციალურ პირობებს, რათა მათ შეძლონ უმაღლესიგანათლების უწყვეტად მიღება. 

გთხოვთ ეწვიოთ ბმულს რეგისტრაციისთვის: https://bit.ly/3iG08Dt 

ერთობით ვქმნით მომავალს #WeAreGAU