7 ნოემბერს (2016) ქართულ-ამერიკული უნივერსიტეტის (GAU) ინფორმატიკისა და ინჟინერიის სკოლის და ჯეოლაბის ორგანიზებით გაიმართა სტუ-ს სამეცნიერო ცენტრის მკვლევარების ღია ლექცია თემაზე - "ქართული ენით ევროკავშირში, ანუ ქართული ჭკვიანი კორპუსის ამგები მეთოდები, გამოყენებები და მიზნები."

ლექციაზე პასუხი გაეცა შემდეგ კითხვებს:

• რა საფრთხეების წინაშე დგას ქართული ენა და რა მიზნებით მიდის მუშაობა სხვადასხვა ენის ახალი - ტექნოლოგიური ანბანების აგების მიმართულებით;
• ვართ თუ არა მზად, იმ აუცილებელი ქართული ჭკვიანი და მთარგმნელი ტექნოლოგიების შემუშავებისათვის, რომელთა გარეშე, ვერც 2020 – 2030 წლებისთვის ევროპაში უკვე დაგეგმილ ენობრივი ბარიერებისგან თავისუფალ კულტურულ-ეკონომიკურ სივრცეში ქართული ენით შესვლა მოხერხდება და ვერც ქართული ენის დაცვა ციფრული კვდომის მეტად მაღალი ხარისხის საფრთხისგან.

ასევე, ლექციის ფარგლებში გაკეთდა ცენტრის გრძელვადიანი პროექტის „ქართული ენის ტექნოლოგიური ანბანი“-სა და ორწლიანი ქვე პროექტის - „კიდევ ერთი ნაბიჯი მოსაუბრე ქართული თვითგანვითარებადი ინტელექტუალური კორპუსისაკენ“ უკვე მიღწეული შედეგების პრეზენტაცია.

ლექციას უძღვებოდნენ:

• კონსტანტინე ფხაკაძე: სტუ-ს ქართული ენის ტექნოლოგიზების სასწავლო-სამეცნიერო ცენტრის დირექტორი, სტუ-ს პროფესორი;
• მერაბ ჩიქვინიძე: სტუ-ს ქართული ენის ტექნოლოგიზების სასწავლო-სამეცნიერო ცენტრის მკვლევარი, სტუ-ს დოქტორანტი;
• გიორგი ჩიჩუა: სტუ-ს ქართული ენის ტექნოლოგიზების სასწავლო-სამეცნიერო ცენტრის მკვლევარი, სტუ-ს დოქტორანტი;
• დავით კურცხალია: სტუ-ს ქართული ენის ტექნოლოგიზების სასწავლო-სამეცნიერო ცენტრის მკვლევარი, თსუ-ს მაგისტრანტი;
• შალვა მალიძე: სტუ-ს ქართული ენის ტექნოლოგიზების სასწავლო-სამეცნიერო ცენტრის დამხმარე მკვლევარი, სტუ-ს დოქტორანტი.