27 თებერვალს (2020), ქართულ-ამერიკულ უნივერსიტეტში (GAU) გაიმართა პროფესორ, ნესტან რატიანის წიგნის ,,ჩემი ოდისეა’’ პრეზენტაცია.  ავტორთან შეხვედრის გარდა, სტუმრებს შესაძლებლობა ჰქონდათ ადგილზე შეეძინათ წიგნები.  

ნესტან რატიანი GAU-ს ჰუმანიტარულ მეცნიერებათა და ლიბერალური განათლების სკოლის მოწვეული ლექტორია და უძღვება ანტიკური და საზღვარგარეთის ლიტერატურის კურსს. ის ორი მონოგრაფიის ავტორი და სხვადასხვა წიგნების თანაავტორია, მონაწილეობდა შოთა რუსთაველის ეროვნული სამეცნიერო ფონდის მიერ დაფინანსებულ პროექტებში, მუდმივად მონაწილეობს სხვადასხვა ადგილობრივ და საერთაშორისო კონფერენციაში (ჰარვარდი, ბრაუნი, ახალი ორლეანი, ნიუ იორკი, ლიდსი), არის ამერიკის შედარებითი ლიტერატურის ასოციაციის (ACLA), ცენტრალური ევროპის შემსწავლელი საზოგადოების (CESS) და ამერიკის ფოლკლორისტთა საზოგადოების წევრი (AFS).