6 ოქტომბერს (2019) ქართულ-ამერიკული უნივერსიტეტის (GAU) სტუდენტები GAU-ს გასვლითი ლექციების ციკლის ფარგლებში  შემოდგომის კახეთს ესტუმრნენ. სტუდენტებმა ერთად მოინახულეს ალავერდის მონასტერი, იყალთო და გაისეირნეს თელავის ქუჩებში. მოგვიანებით კი სასიამოვნო გარემოში, მუსიკის თანხლებით გაატარეს ემოციებით დატვირთული კვირა საღამო, რომელიც კიდევ უფრო გაალამაზეს GAUბენდის წევრებმა და ჩვენმა პირველკურსელებმა.

GAU-ს ექსკურსიები მიზნად ისახავს სხვადასხვა ფაკულტეტის სტუდენტების არააკადემიურ გარემოში გაცნობასა და დამეგობრებას. შემოგვიერთდით, ერთად მოვინახულოთ საქართველოს სხვადასხვა კუთხე და უკეთ გავიცნოთ ერთმანეთი.