ქართულ-ამერიკული უნივერსიტეტის ჰუმანიტარულ მეცნიერებათა და ლიბერალური განათლების სკოლა 2-4 ივნისს გიწვევთ საერთაშორისო კონფერენციაზე, ჯეიმს ჯოისის ულისეს ასი წლისთავის აღსანიშნავად.
თ.ს. ელიოტმა ულისეს უწოდა „ყველაზე მნიშვნელოვანი გამოხატულება, რომელიც დღევანდელმა ეპოქამ ჰპოვა; … წიგნი, რომლის წინაშეც ჩვენ ყველანი ვალში ვართ და რომელსაც ვერავინ გავექცევით.“ მართლაც, საუკუნის შემდეგ ეს არის წიგნი, რომელსაც ჯერ კიდევ კითხულობენ, განიხილავენ, თარგმნიან, იკვლევენ და რომელიც გავლენას ახდენს არა მხოლოდ მწერლებზე, არამედ მხატვრებზეც, მუსიკოსებიზე, ფილოსოფოსებზე, ფოტოგრაფებსა და კინორეჟისორებზე.
დაინტერესებულ პირებს გიწვევთ GAU-ში, აუდიტორია #200. დასწრება თავისუფალია.
თემები მოიცავს, მაგრამ არ შემოიფარგლება მხოლოდ მითითებული ჩამონათვლით:
• ულისე: 100 წლის შემდეგ
• ჯოისის თარგმნა
• ქსელის ქვეშ: ჯეიმს ჯოისის მრავალენოვნება
• დიალოგი, მრავალხმიანობა და ჰეტეროგლოსია: ჰომეროსიდან ჯოისამდე
• გვერდითი ეფექტიანი ჯოისი (ჯოისი და ვიზუალური ხელოვნება, კინემატოგრაფია და ა.შ.)
• ჯოისის სიხარული
• პოსტსაბჭოთა ჯოისი
• ჯოისის ისტორიული ინტერპოლაციები
• ჯოისი, ევროპული და მსოფლიო ლიტერატურა
• ჯოისი და მცირე ერების ლიტერატურა
• პოსტმოდერნი ჯოისი/ჯოისის გავლენა პოსტმოდერნისტ მწერლებზე
კონფერენცია მოიცავს Bloomsday-ის ადრეულ ზეიმს 2022 წლის 4 ივნისს. (16 ივნისის ნაცვლად).
