ქართულ-ამერიკული უნივერსიტეტი აცხადებს კონკურსს გაცვლით პროგრამაზე, კინდაის უნივერსიტეტში, იაპონია. პროგრამის ფარგლებში გამარჯვებული კანდიდატი შეძლებს კინდაის უნივერსიტეტში უფასოდ ისწავლოს ერთი სემესტრის განმავლობაში (2024-2025 სასწავლო წლის შემოდგომის სემესტრში)

კონკურსში მონაწილეობის პირობები:

• კონკურსში მონაწილეობის მიღება შეუძლიათ ბიზნესის სკოლის საბაკალავრო პროგრამის მეორე, მესამე, მეოთხე, მეხუთე და მეექვსე სემესტრის სტუდენტებს
• აუცილებელი წინაპირობაა ინგლისური ან იაპონური ენის B2 დონეზე ცოდნა. შესაბამისი დონის დამადასტურებელი TOEFL, ILTS ან CEFR სერტიფიკატი ან უნივერსიტეტის მიერ შევსებული ოფიციალური წერილი
• საშუალო შეწონილი ქულა (GPA) უნდა უდრიდეს/აღემატებოდეს 3.01-ს
• „უმაღლესი განათლების შესახებ საქართველოს კანონში” ცვლილების შეტანის თაობაზე საქართველოს კანონის 492 მუხლის მე-4 პუნქტის თანახმად დაუშვებელია გაცვლით საგანმანათლებლო პროგრამის მონაწილე სტუდენტისათვის სტუდენტის სტატუსის შეჩერება. მობილობის პროგრამაში მონაწილე სტუდენტი მშობლიურ უნივერსიტეტში ირიცხება, როგორც აქტიური სტუდენტი და შესაბამისად, სტუდენტმა ყველა სემესტრში უნდა გაიაროს ადმინისტრაციული რეგისტრაცია და გადაიხადოს სემესტრის საფასური ქართულ-ამერიკულ უნივერსიტეტში

მონაწილეობის პირობები:

• სწავლა უფასოდ ერთი აკადემიური სემესტრის განმავლობაში
• შერჩეულმა სტუდენტებმა თავად უნდა აანაზღაურონ სავიზო მოსაკრებლის, ცხოვრების, ფრენის და სხვა მნიშვნელოვანი ხარჯები.

სააპლიკაციო დოკუმენტაციის ჩამონათვალი სტუდენტებისთვის:

• ბიომეტრიული პასპორტის ასლი;
• CV-ს ევროპული ფორმატი (ინგლისურ ენაზე, არაუმეტეს ორი გვერდისა);
• ცნობა სტუდენტის სტატუსის შესახებ (ოფიციალური დოკუმენტი ინგლისურ ენაზე);
• უნივერსიტეტის ნიშნების ამონაწერი (ოფიციალური დოკუმენტი ინგლისურ ენაზე);
• ინგლისური ენის სერტიფიკატი (საერთაშორისო სერტიფიკატი - TOEFL iBT 61, IELTS 6.0, CEFR B2) ან შესაბამის დონეზე ენის ცოდნის  ოფიციალური წერილი უნივერსიტეტისგან
• Learning Aggrement

შესარჩევი პროცესი:

• დოკუმენტაციის შემოწმება (ქართულ-ამერიკული უნივერსიტეტი);
• კანდიდატურის არჩევა (მიმღები უნივერსიტეტი - Kindai University).
  

კონკურსში მონაწილეობის მსურველებმა 2024 წლის 15 თებერვლის 19:00 საათამდე გამოაგზავნეთ სააპლიკაციო დოკუმენტაცია (ყველა დოკუმენტი გაერთიანებული PDF ფორმატში) შემდეგ ელექტრონულ მისამართზე: exchange@gau.edu.ge

გთხოვთ, მეილის სათაურად მიუთითოთ: Kindai University

დამატებითი კითხვების არსებობის შემთხვევაში დაგვიკავშირდით შემდეგი ელ-ფოსტის საშუალებით: nini.palavandishvili@gau.edu.ge ;  ana.zanqaidze@gau.edu.ge