ქართულ-ამერიკული უნივერსიტეტი სტუდენტებს უნიკალურ შესაძლებლობას აძლევს გაეცნონ გაერთიანებული სამეფოს პოლიტიკურ, სამართლებრივ და ეკონომიკურ ინსტიტუტებს და მიიღონ პრაქტიკული გამოცდილება მსოფლიოს ერთ-ერთ ყველაზე გავლენიან საერთაშორისო ცენტრში.

პროგრამის ფარგლებში GAU-ს სტუდენტები, სხვა უნივერსიტეტების შერჩეულ მონაწილეებთან ერთად, 5 დღის განმავლობაში ლონდონში იქნებიან, სადაც დაესწრებიან სპეციალურ შეხვედრებს, ინსტიტუციურ ვიზიტებსა და პროფესიული განვითარების ვორქშოფებს.

პროგრამა მონაწილეებს სთავაზობს პირდაპირ წვდომას გაერთიანებული სამეფოს წამყვან ინსტიტუტებთან და შესაძლებლობას, დაამყარონ კავშირები საერთაშორისო პროფესიულ და აკადემიურ წრეებთან.

პროგრამის ფარგლებში დაგეგმილია ვიზიტები:

• Palace of Westminster – გაერთიანებული სამეფოს პარლამენტი - გაეცნობით ორპალატიანი საპარლამენტო სისტემის მუშაობას და იხილავთ, სად იწერება თანამედროვე მსოფლიოს პოლიტიკური ისტორია;
• Supreme Court of the United Kingdom - ეწვევით გაერთიანებული სამეფოს უზენაეს სასამართლოს. შეისწავლით ანგლო-საქსური სამართლებრივი სისტემის უმაღლესი ინსტანციის მუშაობის სპეციფიკას და კონსტიტუციური მართლმსაჯულების პრინციპებს;
• London Assembly და City Hall - გაეცნობით მეგაპოლისის მართვის თანამედროვე ბრიტანულ მოდელს, სადაც ურბანული პოლიტიკა, ინოვაციები და სტრატეგიული განვითარება ერთიანდება;
• Bank of England - ეწვევით მსოფლიოს ერთ-ერთ უძველეს და უმსხვილეს ცენტრალურ ბანკს, გააანალიზებთ გლობალურ მაკროეკონომიკურ გამოწვევებსა და დიდი ბრიტანეთის ფინანსურ სტრატეგიას;
• ტრადიციული ბრიტანული ჯენტლმენების კლუბი - ექსკლუზიური სტუმრობა ტრადიციულ, დახურულ ბრიტანულ კლუბში. სივრცეში, სადაც საუკუნეების განმავლობაში წყდებოდა იმპერიის ბედი და დღემდე იკრიბება ქვეყნის პოლიტიკური და ბიზნეს ელიტა;
• ოფიციალური მიღება University of London-ში - ოფიციალური მიღება და ნეთვორქინგი ლონდონის უნივერსიტეტში საუკეთესო პლატფორმა ბრიტანელ კოლეგებთან პროფესიული და აკადემიური კავშირების დასამყარებლად;
• სტრატეგიული მოლაპარაკებებისა და პოლიტიკური კომუნიკაციის ვორქშოფი სპეციალურად მოწვეულ საერთაშორისო სპიკერთან.

ორმაგი საერთაშორისო სერტიფიკატი

პროგრამის წარმატებით დასრულების შემდეგ მონაწილეები მიიღებენ:

• Executive Program Certificate - დიპლომატიური მისიისა და ინსტიტუციური ვიზიტების გავლისთვის.
• Professional Development Certificate - ბრიტანული პარტნიორი ორგანიზაციის აკადემიური აღიარება სტრატეგიული ვორქშოფის დასრულებისთვის.

პროგრამის ღირებულება

GAU-ს სტუდენტებისთვის სპეციალური ღირებულება შეადგენს 1350 ევროს, ხოლო სხვა უნივერსიტეტების სტუდენტებისთვის – 1500 ევროს.

საფასური მოიცავს აკადემიურ და ინსტიტუციურ პროგრამას (ყველა საჭირო მატერიალით), სასტუმროში განთავსებას ლონდონის ცენტრში (4 ღამე / 5 დღე), წინამოსამზადებელ ვორქშოფებს საქართველოში, პროგრამის ხელმძღვანელების მუდმივ მხარდაჭერას, აეროპორტის ტრანსფერს, საზეიმო ვახშამსა და ნეთვორქინგის ღონისძიებებს, ასევე ორენოვან საერთაშორისო სერტიფიკატებს.

ღირებულებაში არ შედის ავიაბილეთისა და დიდი ბრიტანეთის ვიზის მოსაკრებელი.

შერჩევის პროცესი

GAU-ს სტუდენტების შერჩევა განხორციელდება უნივერსიტეტის სკოლების დეკანების მიერ, ხოლო სხვა უნივერსიტეტების სტუდენტები გაივლიან გასაუბრებას.

სარეგისტრაციო ბმული:  https://shorturl.at/DhDC2
საკონტაქტო ინფორმაცია: 577592092, 598721171

პროგრამა მონაწილეებს სთავაზობს უნიკალურ შესაძლებლობას, გაეცნონ ბრიტანული სახელმწიფო მართვის, სამართლისა და ეკონომიკის პრაქტიკულ ასპექტებს, განივითარონ პროფესიული უნარები და საერთაშორისო გარემოში დაამყარონ მნიშვნელოვანი აკადემიური და პროფესიული კავშირები.