ქართულ-ამერიკული უნივერსიტეტის სტუდენტებს შესაძლებლობა ეძლევათ მონაწილეობა მიიღონ საერთაშორისო Model United Nations (MUN) კონფერენციაში, რომელიც 2026 წლის 4-9 ნოემბერს ამერიკის შეერთებულ შტატებში - ვაშინგტონსა და ნიუ-იორკში გაიმართება.

პროგრამა სტუდენტებს აერთიანებს მსოფლიოს სხვადასხვა ქვეყნის წამყვანი უნივერსიტეტებიდან და ქმნის უნიკალურ სივრცეს დიპლომატიის, საერთაშორისო პოლიტიკისა და გლობალური თანამშრომლობის მიმართულებით გამოცდილების მისაღებად.

კონფერენციის ფარგლებში მონაწილეები:

• შეხვდებიან ამერიკელ დიპლომატებსა და პოლიტიკოსებს;
• გაიფართოებენ პროფესიულ და საერთაშორისო კავშირებს;
• მიიღებენ დიპლომატიისა და პოლიტიკის პრაქტიკულ გამოცდილებას;
• იმუშავებენ საერთაშორისო გუნდებთან და დისკუსიების ფორმატში.

პროგრამის ღირებულება:

GAU-ს სტუდენტებისთვის - 3200 $

სხვა უნივერსიტეტის სტუდენტებისთვის - 3800 $

ღირებულება მოიცავს:

• პროგრამის აკადემიურ ნაწილსა და საჭირო ტექნიკურ მასალებს;
• სასტუმროში განთავსებას (5 ღამე / 6 დღე);
• წინამოსამზადებელ ვორქშოპებს საქართველოში;
• ხელმძღვანელების თანხლებას კონფერენციის განმავლობაში;
• აეროპორტისა და ქალაქებს შორის ტრანსფერს (ნიუ-იორკი - ვაშინგტონი);
• ინგლისურენოვან სერტიფიკატს.

პროგრამის ღირებულებაში არ შედის:

• ავიაბილეთის საფასური;
• სავიზო მოსაკრებელი.

GAU-ს სტუდენტებისთვის მოქმედებს სპეციალური პირობები. რეგისტრაციისთვის აუცილებელია საინფორმაციო ფორმის შევსება, ხოლო მონაწილეთა შერჩევა მოხდება სკოლის დეკანების მიერ.

რეგისტრაცია GAU-ს სტუდენტებისთვის:

სარეგისტრაციო ფორმა

სხვა უნივერსიტეტის სტუდენტები პროგრამაში მონაწილეობის მისაღებად გაივლიან სპეციალურ შესარჩევ პროცედურებს.

რეგისტრაცია სხვა უნივერსიტეტის სტუდენტებისთვის:

სარეგისტრაციო ფორმა

დამატებითი ინფორმაციისთვის: 577 59 20 92

ACT TO WIN!