GAU-ს საჯარო ლექციების ციკლი „GAU-ღე კარი გამოწვევებს'' 25 თებერვალს განახლდა. GAU-ს სტუმარი ეროვნული ბანკის პრეზიდენტი გიორგი ქადაგიძე იყო ყველაზე აქტუალური თემით: „საქართველოს ეკონომიკის გამოწვევები''.
შეხვედრა ინტერაქტიულად წარიმართა - ეროვნული ბანკის პრეზიდენტმა სტუდენტებსა და GAU-ში მოსულ სტუმრებთან ერთად მწვავე საკითხები - ეკონომიკის მდგრადობისა და განვითარების თეორიები, არსებული რეალობა, მსოფლიოში მიმდინარე ეკონომიკური პროცესები და ლარის დევალვაციის საკითხები განიხილა. გიორგი ქადაგიძემ საინტერესო მაგალითები სხვადასხვა ქვეყნის მოდელებისა და გამოცდილების მიხედვით მოიყვანა.
„ნებისმიერი ეკონომიკის კონკურენციული უპირატესობა არის ადამიანი - ინტელექტუალური კაპიტალი'' - ამ სიტყვებით დასრულდა მოხსენება, რომელიც ეროვნული ბანკის პრეზიდენტმა სპეციალურად GAU-სთვის მოამზადა.
