კიდევ ერთი მნიშვნელოვანი მოვლენა GAU-ში - ქართულ-ამერიკულ უნივერსიტეტში განდის სახელობის კვლევითი ინსტიტუტი დაფუძნდა.

ამ გადაწყვეტილებას წინ უძღოდა GAU-სა და განდის ფონდის ორგანიზებით 9-11 ივლისს ჩატარებული საერთაშორისო კონფერენცია, რომელიც მშვიდობისა და ძალადობასთან ბრძოლის საკითხებს მიეძღვნა. მასში GAU-ს პრეზიდენტი და ლექტორები, განდის საერთაშორისო ინსტიტუტის წარმომადგენლები, საქართველოს მთავრობის, დიპლომატიური მისიისა და უფლებადამცველი ორგანიზაციების წევრები მონაწილეობდნენ. 

11 ივლისს კი დაიწყო ერთკვირიანი ვორკშოფი სტუდენტებისთვის, რომელშიც არა მხოლოდ GAU-ს, არამედ სხვა უმაღლესი სასწავლებლების წარმომადგენლებიც მონაწილეობენ. შეხვედრის მიზანი ძალადობასთან ბრძოლის პრაქტიკის ცხოვრებასა და სწავლების პროცესში დანერგვაა.