30 ოქტომბერს (2019) დაიწყო სტაჟირების სახელმწიფო პროგრამის 2019 წლის შემოდგომის ნაკადი. სტაჟირების პროგრამის მიმდინარე ნაკადზე, განათლების შესაბამისი პროფილით, 478 დარეგისტრირებულ მაღალი აკადემიური მოსწრების მქონე სტუდენტსა და კურსდამთავრებულს შორის არიან ქართულ-ამერიკული უნივერსიტეტის (GAU) სტუდენტებიც. 

თბილისში და საქართველოს სხვადასხვა რეგიონში არსებულ საჯარო დაწესებულებებში დარეგისტრირებული პირები სტაჟირებას 1-დან 6 თვემდე ვადით გაივლიან. ამ პერიოდის განმავლობაში, მათ შესაძლებლობა ექნებათ გამოიმუშაონ თავიანთი პროფილის შესაბამისი პრაქტიკული უნარ-ჩვევები, გაეცნონ საჯარო სამსახურის მუშაობის სპეციფიკას, გაიზიარონ საჯარო მოხელისთვის დამახასიათებელი ეთიკური ნორმები და სტანდარტები და გახდნენ კონკურენტუნარიანები საჯარო სექტორში დასაქმების სურვილის შემთხვევაში.