ქართულ-ამერიკულ უნივერსიტეტში (GAU) ჰუმანიტარულ მეცნიერებათა და ლიბერალური განათლების სკოლის ორგანიზებით სტუდენთა სამეცნიერო-შემოქმედებითი კონფერენცია გაიმართა.

კონფერენცია ეძღვნებოდა ენის, ლიტერატურის, ისტორიისა და ფოლკლორის საკითხებს. გარდა ამისა, სტუდენტები ფართო აუდიტორიის წინაშე წარადგენდნენ თავიანთ შემოქმედებას: მოთხრობებს, ლექსებს, ჩანახატებსა და თარგმანებს.

კონფერენციის შემდგომ სტუდენტთა ნაშრომები დაიბეჭდება ჟურნალში – ,,სტუდენტური ალმანახი". (23.05.25)