15-16 ნოემბერს, ქართულ-ამერიკული უნივერსიტეტის (GAU) ბიზნესის სკოლის, ა. რაზმაძის სახელობის მათემატიკის ინსტიტუტის, საქართველოს სტატისტიკური ასოციაციისა და ვ. ჭავჭანიძის სახელობის კიბერნეტიკის ინსტიტუტის ორგანიზებით რიგით მე-7 სამეცნიერო კონფერენცია იმართება.

სახელწოდებით: "შემთხვევითი პროცესებისა და მათემატიკური სტატისტიკის გამოყენებანი ფინანსურ ეკონომიკასა და სოციალურ მეცნიერებებში VII."

კონფერენცია ეხება შემდეგ საკითხებს:

• წარმოებული ფასიანი ქაღალდების თეორია, ფასგათვლა და ჰეჯირება;
• საინვესტიციო პორტფელების მართვა;
• ფინანსური რისკების ანალიზი;
• სადაზღვევო სქემები;
• სოციალური დახმარების სისტემის მეთოდიკების დამუშავება რეგრესიული ანალიზის მეშვეობით;
• სტატისტიკის ზოგიერთი პრობლემის გადაჭრა გამოყენებებით სოციალურ მეცნიერებებში და ფინანსურ ეკონომიკაში;
• მენეჯმენტისა და მარკეტინგის თანამედროვე ამოცანები.

კონფერენციის დასკვინითი ეტაპი, ტრადიციულად, იქნება მომხსენებლების მიერ წარმოდგენილი ნაშრომების გაერთიანება და სამეცნიერო ჟურნალის მორიგი ნაწილის გამოშვება.