მედიცინის სკოლის ტრენინგ ცენტრი

ირინა წირქვაძე არის ექიმი, ანესთეზიოლოგ-რეანიმატოლოგი 2001 წლიდან, გადაუდებელი დახმარების ექიმი 2014 წლიდან. იგი არის ამერიკის გულის ასოციაციის (AHA), ამერიკის ქირურგთა კოლეჯის (ACS), ევროპის რეანიმაციული საბჭოს (ERC) და PFCCS სერთიფიცირებული ტრენერი, საქართველოში აკრედიტირებული საერთაშორისო კურსების ტრენერი, საერთაშორისო სამედიცინო უნივერსიტეტების პედაგოგი, ბავშვთა გადაუდებელი მედიცინის რეზიდენტურისა და გადამზადების პედაგოგი. ევროპის ანესთეზიოლოგიური საზოგადოების წევრი, საქართველოს ანესთეზიოლოგიისა და კრიტიკული მედიცინის საზოგადოების გამგეობის წევრი, პედიატრიული გადაუდებელი დახმარების საერთაშორისო ასოციაციის წევრი, გადაუდებელი სამედიცინო ტექნიკოსების ეროვნული ასოციაციის (NAEMT) წევრი, ანესთეზიოლოგთა საზოგადოებების მსოფლიო ასოციაციის (WFSA) წევრი, ინტენსიური თერაპიის ევროპული საზოგადოების აფილირებული წევრი, გადაუდებელი მედიცინის ევროპული საზოგადოების (EUSEM) წევრი, საქართველოს პედიატრთა აკადემიის წევრი, საქართველოს კატასტროფისა და გადაუდებელი მედიცინის ასოციაციის გამგეობის წევრი.

ნინო კასრაძე არის ქართულ-ამერიკული უნივერსიტეტის (GAU) მედიცინის სკოლის ტრენინგ ცენტრის ხელმძღვანელი, BLS, ACLS, PHTLS, FOTS-ის ინსტრუქტორი, ლიცენზირებული ექიმი, ამერიკის გულის ასოციაციის საერთაშორისო ტრენინგ ცენტრის კოორდინატორი და PHTLS საქართველოს ეროვნული კოორდინატორი, სასწრაფო სამედიცინო დახმარების ჯგუფის (EMT) ტრენერი.

მაგდა გერანტია არის ლიცენზირებული ფსიქიატრი. მუშაობს ქართულ ამერიკულ უნივერსიტეტში (GAU) მედიცინის სკოლაში კლინიკური უნარების მოწვეულ ლექტორად. ის არის სასწრაფო სამედიცინო დახმარების ჯგუფის (EMT) ტრენერი. სერტიფიცირებული BLS (ძირითადი სიცოცხლის მხარდაჭერა), ATLS (Advanced trauma Life Support) ACLS (Advanced Cardiovascular Life Support) პროვაიდერი და PHTLS (Pre-Hospital Trauma Life Support) ინსტრუქტორი.

თეა ნათელაური ამჟამად მუშაობს როგორც კლინიკური ონკოლოგი ივ.ბოკერიას სახელობის საუნივერსიტეტო ჰოსპიტალში. იგი არის მოწვეული ლექტორი GAU-ს მედიცინის სკოლაში და ასევე არის ამერიკის გულის ასოციაციის (AHA) კურსების სრული ინსტრუქტორი, NAEMT-PHTLS ინსტრუქტორი, აქტიურ მონაწილეობას იღებს ექიმებისა და ექთნების გადამზადებაში. ის არის გერმანული არასამთავრობო ორგანიზაცია პირველადი სასწრაფო დახმარების ტრენერი (TOT) და გავლილი აქვს არაერთი ERC და BHF გადაუდებელი სამედიცინო კურსი. თეა გახლავთ სამეცნიერო საზოგადოებების BHS, ESO, ESMO, ASCO აქტიური წევრი.

გიორგი ტატულაშვილი არის მედიცინის დოქტორი, ACLS (AHA), PHTLS (NAEMT) და EMT საერთაშორისო ინსტრუქტორი. ასევე აქვს პირველადი დახმარებისა და სიცოცხლის გადარჩენის კურსების ინსტრუქტორად მუშაობის მრავალწლიანი გამოცდილება. დოქტორი ტატულაშვილი არის PHTLS პროგრამის ადგილობრივი კოორდინატორი საქართველოში. ის მუშაობს საქართველოს ჯანდაცვის სამინისტროსთან გადაუდებელი სიტუაციების კოორდინაციისა და გადაუდებელი დახმარების ცენტრში ინსტრუქტორად და მოწვეულ ლექტორად ბევრ სამედიცინო უნივერსიტეტში.