GAU-ს ბიზნესის სკოლა დაარსდა 2005 წელს საუკეთესო პრაქტიკის და ბიზნეს გარემოს რეალობის გათვალისწინებით. პროგრამები და სწავლების მეთოდიკა არის დინამიური და სრულად პასუხობს ზოგადი განვითარების ტენდენციებსა და ტექნოლოგიურ პროგრესს. GAU-ს ბიზნესის სკოლისა და  აშშ-ს წამყვან უნიერსიტეტებთან მჭიდრო კავშირმა ცხადყო, რომ პროგრამა სრულ შესაბამისობაშია ამერიკის უნივერსიტეტების სათანადო პროგრამებთან. აღნიშნულმა მიდგომებმა არსებითად განსაზღვრა GAU-ს ბიზნესის სკოლის აკადემიური იდენტობა და ფილოსოფია.

ჩამოყალიბდა სწავლების თანამედროვე მეთოდიკა, პროფესიული ინგლისურის ინტენსიური კურსებით და მცირერიცხოვანი ჯგუფების შექმნის და გამოყენების ტრადიცია. სწავლების პრაქტიკული კომპონენტის გაძლიერების მიზნით, სისტემატიურად ხორციელდება ბიზნესის სფეროს წამყვანი მენეჯერების მოწვევა და სტუდენტებისთვის მათი გამოცდილებების გაზიარება. ამავდროულად, ბიზნესის სკოლის ფარგლებში არსებობს სამეცნიერო-კვლევითი ცენტრი, რომელიც აწარმოებს სამეცნიერო კვლევებს ბიზნესის ადმინისტრირების ყველა მიმართულებით. ცენტრის მიერ შექმნილი ნაშრომები აქტიურად გამოიყენება სასწავლო პროცესში და სისტემატიურად ქვეყნდება იმპაქტ-ფაქტორიან საერთაშორისო ჟურნალებში.

2006 წლიდან ფუნქციონირებს კვონტების (QUANTS) პროგრამა, რომელიც ქართულ-ამერიკული უნივერსიტეტის ერთ-ერთი სავიზიტო ბარათია. პროგრამა ბიზნესის სკოლის იმ სტუდენტებს აერთიანებს, ვისთვისაც განსაკუთრებულ ინტერესს რაოდენობრივი ფინანსების სწავლა წარმოადგენს. GAU-ს კვონტების პროგრამის ფარგლებში მომზადებული სპეციალისტები განსაკუთრებით მოთხოვნადი არიან მაღალანაზღაურებად და პრესტიჟულ პოზიციებზე წამყვან ფინანსურ ინსტიტუტებში.

2017 წლიდან ბიზნესის სკოლაში ამოქმედდა ინგლისურენოვანი საბაკალავრო პროგრამა, რომელიც უცხოელ სტუდენტებსაც აძლევს შესაძლებლობას გახდნენ GAU-ს კურსდამთავრებულები.

2020 წლიდან კი GAU აგრძელებს თანამედროვე საერთაშორისო ტრენდების გათვალისწინებას და ნერგავს ე.წ. Computational მიდგომას, რაც გულისხმობს ბიზნესის ადმინისტრირების ფუნდამენტალური დარგებისთვის (ფინანსები, მარკეტინგი, მენეჯმენტი) ბიზნესის ანალიტიკის კომპონენტის დამატებას (რიცხვითი შედეგების მიღება კომპიუტერული ტექნოლოგიების  გამოყენებით ფინანსებში (Quant), მარკეტინგსა და მენეჯმენტში)

ამდენად, GAU ქმნის საგანმანათლებლო სივრცეს, რომლის მეშვეობითაც GAU-ს კურსდამთავრებული ხდება კონკურტენტუნარიანი და განვითარებაზე ორიენტირებული როგორც შიდა, ასევე საერთაშორისო ბაზარზე. ამას მოწმობს კურსდამთავრებულებულების დასაქმების მაღალი მაჩვენებელი.

GAU-ს ბიზნესის სკოლა წარმოდგენილია უმაღლესი განათლების სამივე საფეხურით, კერძოდ:

საბაკალავრო პროგრამა (BBA):

• მენეჯმენტი (Computational)
• მარკეტინგი (Computational)
• ფინანსები (Computational)
• რაოდენობრივი ფინანსები (QUANTS)

სამაგისტრო პროგრამა (MBA):

• მენეჯმენტი
• მარკეტინგი
• ფინანსები

სადოქტორო პროგრამა (PhD)